Arkiifka wararka

Danmark waa inay xuduudaha u furtaa qaar ka mid ah qaxootiga, ay noloshoodii baabiiyeen abaaraha, daadadka iyo dhibaatooyinka kale ee cinmileed

Waa la joojiyay in carruurta aan waalidkood la socon ee magangelyo doonka ah la xidho, inta kiiskooda la wado.

Dilka dhakhtarrada, oo ah kuwo uu aad loogu baahan yahay dalka dagaalku baabi'iyay, waxa judhii horeba lagu eedeeyay kooxda mucaaradka ah ee Al-shabab

Xisbiga Sooshal dimuqraadiga ayaa soo jeediyay, in dawladdu xilqaaddo in dadka saboolka ahi helaan hadyado lagu caawiyo kirismiska.

Kiisas aad u badan oo cashuuraha ah ayaa tuulan oo ku boodhaystay xarumaha bilayska

Qoyska boqortooyadu waxay qado sharaf ku casuumayaan in ku dhow 100 madaxda sare ee dawlaha ka soo qaybgelay shirwaynaha QM ee cimilada ee dalka ka dhacaya.

Dad badan oo deenishku ka mid yahay ayaa qaba, in hoggaamiyayaasha dunidu dhiirigelinayaan awoodda atomigga, si loo dhimo kaarboonka CO2

Nin raadraaca hadhaaga taariikhiga ah ayaa helay koobi ka da' wayn 300 sano oo geeskii dahabka ahaa ee dheeraa ah - oo laga sameeyay fool maroodi.

Marka madaarka wax la jeeg garaynayo, lama odhan karo "bam" - xataa kaftanna u dheh oo.

Maxkamadda EU-da ayaa shirkadaha dayuuradaha saartay magdhow, hadday habsaamaan wax ka badan saddex saacadood.

Afartii sano ee ugu danbaysay rag tiro yar baa soo dalbaday waxbarashada macallinnimada, laakiin sannadkan xagga kale ayay isu beddeshay, oo raggu si yar si yar bay ugu soo laabanayaan kuliyadda macallimiinta.

Ganacsadaha Bakistaaniga/ Maraykanka ah, ee ku xidhan Chicago, oo lagu tuhunsan yahay argagixiso ku lid ah wargayska Jyllandsposten laguma sii daynayo damiin, sida qareenkiisu dalbaday.

Muddada sugitaanka, ee laamaha cusbatalladu ku soo qoraan bogga www.venteinfo.dk , badi sax maaha.

Xafiiska deenishka ee Sudan waa la xidhayaa, ka dib markii argagixin loogu hanjebey.

Ajinebiga waxbarashada sare leh oo lagu adkaynayo, inay shaqo ka helaan Danmark

Xisbiyada burjuwaasiga ah ayaa si dadban uga caawiyayKiristine Bille, inay badhasaab ka noqoto dawladda hoose ee Syddjurs, si ay u dhisto isbahaysi ballaadhan, oo ay qayb ka yihiin.

Nin 29 jir ah oo laga soo kaxeeyay xabsiga dawladda ee Nyborg ayaa toban nin oo koofiyado ku hagoogani mashquuliyeen ciidankii waday, oo ka baxsaday cuasbataalka Bispebjerg Hospital.

Danmark dhab ahaan waa dalka Yurub ugu badan ee dumarku u dhintaan cudurka kansarka.

Markhaatiyo qarsoon baa xubnaha baandooyinka dembiilayaasha ah iyo rookayaasha u dareerinaya xabsiga, sidaas awgeed waa in xoog loo fududaydiyo markhaatifurka qarsoon.

Labada dhisme ee ergada shirwaynaha cimilada badideedu isticmaali doonaan, waxa la dhimayaa tirade CO2.

Marar ayay dabaylo ka dhaceen Danmark. Laakiin muddo dheer ayay hadda cimiladu deggenayd.

Xeerarka rebshadaha oo la filayo in maanta khamiista la ansixiyaa, waxay sannadka dhammaadkiisa si wayn u horseedi doonaan, in la mustaafuriyo dadka dhalashadoodu aanay ahayn deenish - intay doonaan dalka ha deggenaadaane.

Saraakiisha aqalka cad ee maraykamka ayaa wakaaladaha wararka u sheegay, in madaxwayne Obama ka qaybgelayo shirwaynaha cimilada ee Kobanheegan ka dhacaya diisanbar.

Saamiga haweenka ee komishanka cusubi wuu ka badan yahay kii hore.

Xafiisyada tikidhada safarka ee dheenishka waxa culays ka saaran yahay xiisadda dhaqaalaha iyo siyaabaha casriga ah ee loo goosto tikidhada safarka.

Sida laga soo xigtay warka TV 2, hadda waa xaqiiq in wasiirka cimilada iyo tamarta Connie Hedegaard noqonayso komishanka EU-da.

Mærsk oo lagu eedeeyay, inuu oggolaaday tabaha qalafsan ee maafiyada.

Dawladda maraykanku waxay rabtaa, ka hor shirwaynaha cimilada ee bisha danbe ka dhacaya Kobanheegan, inay soo saarto yool la xidhiidha, inta laga dhimayo xaddiga naqaska hawada lagu sii daayo.

Ajinebiga qalabixinta ku liitaa wax badan kala ma socdaan hargabka A, dhaktarraduna waxay taas ku tilmaameen dhibaato.

Danmark xoog ayay hoos uga hoobatay liiska dalalka dunida ugu hodansan.

Wasiirka cimilada (K) Connie Hedegaard ayaa ku guulaysatay jagada komishanka cimilada ee EU-da.

Hawl badan buu waalidku mutaa, haddii ilmuhu xoog ugu soo horreeya waqtigiisa, sidaas waxa muujiyay baadhitaan deenishku sameeyay.

Tiro badan oo carruurta qaxootiga ah, ee Danmark yimaadda kelidood, iyagoo aan waalid la socon ayaa xabsi ku danbeeya.

Khasaaraha cimiladu keentaa waa qayb aad u yar lacagaha ay shirkadaha caymisku magdhabaan.

Iyadoo dib loo hagaajiyay sannad ka hor uun, dhismayaashii qasriga Rosenholm mid ka mid ah ayaa dabayshii dumisay.

Johan Absalonsen ayaa goolkii kowaad ee deenishka dhaliyay ciyaarta qaybteedii danbe 10kii miridh ee ugu horreeyay.

Badhasaabka Sooshal dimuqraadiga ah ee NiKolai Wammen ayaa doorashadii dawladaha hoose dib ugu guulaystay jagadiisii Aarhus.

Aalborg weli waa hantiwadaag. Xisbiga SF ayaa si wayn hore ugu kacay doorashadii dawladaha hoose.

Hoggaamiyaha xisbiga Gaashaanbuurta Libaraalka ah ayaa weli ah Anders Samuelsen, ka dib marku codadka doorashadii dawaladda hoose ee Horsens ka helay boqolkiiba 4,1

Saddexdii guriba mid baa ka cawda sanqadha gaadiidka, oo ka badan xadka sanqadha deegaanka caadiga ah

Codbixiyayaal badan baa goaanqaata miridhada ugu danbeeya, sidaas awgeed xisbiyada iyo musharrixiintu waxay culays wayn saaraan saacadaha ugu danbeeya.

Ilmaha uurka ku jira waxyeello ayaa ka soo gaadhi karta wasakhda gaadiidku hawada ku sii daayo.

Tiro aan ka yarayn 18 tahriibe ayaa laanta kantaroolka shisheeyaha ee bilaysku ku qabatay xadka habeen hore iyo xalay.

Maraykanku wuxu ka fikirayaa, inuu beddelo istiraatijiyadda ka hor shirwaynaha cimilada ee Kobanheegan, oo heshiis kumeelgaadh ah la qaato.

Sannad kasta waxa la waayaa 273 bilyan oo tan oo baraf ah, oo marka barafkaasi dhalaalana waxa kor u kacaya heerka biyaha badaha dunida.

Dalalka kale ee noordigga ayaa soo jeediyay, in laga mamnuuco dhallinta ka yar 18 sano adeegsiga mishiinnada lagu cadceedsado. Wasiirka caafimaadka Jakob Axel Nielsen ayaa qaba, inay masuuliyaddooda tahay.

Wargeyska Politiken ayaa shaqaalayn doona ciraaqiyiinta sharciga loo diiday. Arrintan waxa lagu meelmarinayaa Xarunta Ciraaq ee cusub.Lacagtaasi waxay ka imanaysaa lacag laga ururiyo dadka ay ka midka yihiin akhristayaasha wargeysku.

Waxa soo socda maalgelinno muuqda, iyada oo isla markaasna la dhowrayo oo hore loo marinayo barwaaqosooranka, waxa sidaa ku dhawaaqay wasiirka maaliyadda.

Iyadoo carruurta Noorway, Iswidhan, Ingiriiska iyo Jarmalka laga tallaaly durayga A - haddii waalidkoodu rabo, ayaan weli carruurta deenishka loogu deeqin tallaalkaas.

saaxiibadooda deenishka ah iyo dadka waayeelka ahiba way ku faraxsan yihiin shaqaalaha Jarmalka iyo Iswidhishka ah ee guryaha dhexdooda ku caawiya waayeelka.

Ururka Laanqayrta cas ayaa soo jeediyay, in carruurtu ugu badnaan kaamka hal sano deggenaadaan.

Haddii madaxwaynaha maraykanka, Barack obama, u arko in imaanshihiisa Kobanheegan wax ku soo kordhinayo shirwaynaha cimilada ee diisanbar, markaas wuu imanayaa.

Aqlabiyadda deenishka ayaa qabta, in la magacaabo maalinta ciidamada deenishku ka soo laabanayaan Afqaanistaan, oo dalka ku soo noqonayaan.

Marka shaqadu dhammaato, ayaa tiro aad u badan oo shaqaalaha bariga ahi tagaan dugsiyada afka si ay u bartaan dheenishka

Wasaaradda dhaqanka ee Iiraan ayaa baadhaysa waraaqaha Niels Krogsgård. Hadduu haystay oggolaanshaha shaqeed ee looga baahan yahay, waa la sii daynayaa.

Shirkadaha waaweayn ee deenishka sida Carlsberg, macaash badan ayay heleen, iyadoo xiisadda dhaqaale jirto.

Aqlabiyadda baarlamanka ayaa rabta in la mamnuuco tubaakada khudradda leh ee la qabatimay, oo ay xoog u isticmaalaan dhallinyaradu.

140 milyan oo korone ayay Danmark ku caawinaysaa malaayiinka qaxootiga ah ee ku soo laabtay dalka iyo barakacayaasha gudaha.

Bilaysku wuxu xiisadaha baandada u qabqabtaa carruur da'doodu yar tahay uun.

Dawladda hoose ee Hjørring ayaa qiratay, inay qalad ku leeyihiin kiiska inantii 14 jirka ahayd, ee is dishay 12kii oktoobar.

Ka dib sannado badan, oo tirada dadka muddo dheer xanuun shaqada kaga maqnaadaa kor u kacaysay, ayay hadda hoos u dhacday tirade dadka dheenishka ah ee muddo dheer xanuun ku maqnaadaa.

Shirkadda culayska wayni haysto ayaa soo bandhigtay xisaabxidhkii sagaalka bilood ee ugu horreeyay sannadka. Taas oo muujinaysa khasaare dhan 1643 milyan oo koronka Iswidhan ah.

Jarmalka ayaa u muuqda saldhigga ugu wayn ee xoogga dhaqaalaha, ee Yurub iyo Danmark ka saari kara xiisadda dhaqaale

Badi musharrixiinta golaha deegaanka ee Århus ayaa ugu ballanqaaday dhallinyarada rebshadwalaaysha ah waxyaabo badan oo la qabto xilliga firaaqada.

Shirkii Naser Khader ee la xidhiidhay xorriyatulqawlka, kana soo hor jeeday xagjirnimada, ee ay ahayd in jiilaalkan la qabto, ayaa la joojiyay. Dadkii Naser Khader xisbiga kula jiray markaasi may sii wadin fikraddaas.

Lama hubo in heshiis cimileed lagu gaadhi karo shirwaynaha Kobanheegan. Obama wuxu qabaa, in dhibaatooyinku ka waynaan karaan, in heshiis la gaadho diisanbar.

Waayeel badan baa qolalkooda fadhiga iyo xamaamadoodu ka sufur iyo wasakh badan yihiin siday ahaayeen dhawr sano ka hor. Taasi waxay ka danbaysay markii in ka badan saddexdii kommuuneba mid adkeeyay caawimooyinkii guriga loogu qaban jiray waayeelka.

Boqolkii 30 ayaa raba, inay bixiyaan cashuur dheeraad ah oo dawladda hoose ah si ay u helaan adeeg fiican, sidaas waxa muujiyay baadhitaan.

Hoggaamiyayaasha ururka Yurub (EU) ayaa isku waafaqay xal loogu oggolaanayo dalka Tjek waxyaabo khaas ah oo la xidhiidha xuquuqda dadwaynaha

Tahawuur Hussain Rana waxa darrato la soo hor joojiyay maxkamadda, iyadoo lagu eedeeyay qorshayaal argagxiiso oo lagu weerarayo Danmark. Dheenishku laakiin xoog uga biqi maayaan argagixso.

Ninka argagixisada lagu tuhunsan yahay ee Dave Headley ayaa farriin ka helay kooxda argagixisada ah ee Lashgar-e-Taiba, si uu culayska u saaro qorshaha weeraro kaloo Indiya ah, halku Danmark ka weerari lahaa.

Wax badan kumay qaadan FBI-du, inay daaha ka rogaan qorshayaashii argagixiseed ee lidka ku ahaa wargayska Jyllands-Posten, kaasoo laba nin oo lagu eedeeyay ugu xidhan yihiin magaalada Chicago ee maraykanka.

Wasiirka cimilada Connie Hedegaard ma imanayso baarlamanka berrito, inkastoo ay ahayd, inay hoolka baarlamanka soo hor dhigto xeer cusub.

Dawlad goboleedka maraykanka ee Florida soo dhiibi mayso qof dheenish ah, oo xabsi loogu xukumay dil aan u kas ahayn oo la xidhiidha shil baabuur. Dawladdaasi waa tii dheenishku u dhiibay Camilla Broe.

Xisbiga dadwaynaha dheenisha (DF) ayaa raba, in nabadsugidda bilaysku soo diyaariyaan warbixin la xidhiidha dadka argagixisada loo qabtay, xisbiyada sooshal dimuqraadiga iyo libaraalka ayaa taageeray talo soojeedintaas.

Wargayska ingiriiska laga leeyahay ee The guardian ayaa qoray, in dawladda Ciraaq ku talojirto inay dib u yeelato awood nukliyar, oo ay dhismaheeda ka caawiyaan wershedaha nikliyarka ee Faransiiska.

In ka badan 100 FBI ah ayaa baadhay Rana, inkastoo lix qof oo keli ahi ka shaqaynayeen dukaankiisa.

Tobankiiba toddoba ayaa qaba, in baandooyinka ajinebiga iyo rookayaashu u siman yihiin xiisadda

Si dhaqaalaha loo tashiilo ayay dawladaha hoose muddo afar sannadood ah ku xidheen ilaa 200 oo rugkutubeedyadii dalka ah.

Ururka dawladaha hoose ee dalka ayaa ku talinaya, in laga mamnuuco cabidda sigaarka meelaha ay ka mid yihiin dugsiyada - hadday tahay debed iyo gudaba.

Danmark dadaal fiican kama samayso, si ay carruurta uga ilaaliso in la faraxumeeyo, iyadoo ka duwan ingiriiska iyo Jarmalka oo sameeyay khad daaran (hot line) oo lagu guulaystay, kaas oo la soo wici karo, inta aan denbiga la fulin.

Muddo sannad gudihii ah tirada dadka shaqada la'aa in ka badan saddex bilood, waxay kor u kacday boqolkiiba 180.

Waalidka carruurta yaryari waa inuu si fiican uga ilaaliyaa carruurtooda yaryar kimikaliska iyo maadddadaha hormoonnada khalkhaliya.

Xubno cusub ayaa si joogto ah ugu soo qulqulaya kulubbada rookaha iyo baandooyinka ajinebiga.

Dheenishku waxay aad u isticmaalaan korontada dharaartii, markaasna waa qaali, deegaankana u ma fiicna, waxa digniintan soo jeediyay shirkadaha korontada.

Dadwaynuhu si ka wayn sidii la filayay ayay uga cabanayaan adeegga dawladda. Inkastoo adeeggu dhinmay boqolkiiba 36 keli ah, haddana dadwaynaha boqolkiiba konton ayaa qaba, inay helaan adeegyo xun.

Xannaanooyinka iyo xarumaha abaydinka ayaa si wayn looga dhigayaa xarumo dharaareed oo isku dhex jira.

Ninkii 18 jirka ahaa, ee habeenimadii sabtida lagu toogtay goobta Lindevangsparken ee Frederiksberg, ayaa ku dhintay cusbatalka Rigshospitalet goor danbe oo habeenimadii arbacada ah.

Aqoonyahannadii takhasuska lahaa ee Malmø, ee dawayn karayay noocyada kansarka daran, ayaa u guuray Danmark.

Hilibka duqadda ah ee tallaajadaha dukaamada waawayn yaal waxa laga yaabaa inay ku jirto dux aan xaddigeeda la garanayn. Waxa kaloo duqadda ku jira hilbo xayawaan kale, oo aan ahayn ka ku qoran baakidhka.

Kobanheegan waxa ka baxaya duullimaad toos ah ilaa madaarka JFK ee New York.

Bilayska woqooyiga Shiilland ayaa baahiyay, in laga caawiyo siday u heli lahaayeen rasaasayntii xalay, qof aan ilaa hadda la aqoonsani, daaqadda maqaaxi sushida laga cuno ka soo toogtay rooke HA ah, oo ay daanka kaga dhacday.

Xiiso daran baa loo qabaa, in kiilooyada siyaadada ah la iska rido, taasoo bishii may cirka marisay iibsiga kiniinka la isku caateeyo Alli, isla markuu suuqa soo galayba.

Dhallinyaradu xiiso wayn u ma hayaan doorashada dawlaha hoose ee noofambar. Boqolkiiba 31 dadka da'doodu u dhaxayso 18-29 ayaa yaqaan, cidda u sharraxan badhasaabka dawladdooda hoose

Wasiirka caddaaladda Brian Mikkelsen ayaa maanta soo jeedinaya xeer, bilayska fursad u siinaya inay xadhig yar ku qabtaan kuwa ku mudaharaadaya shirwaynaha cimilada ee foodda innagu soo hayo

Saddexdii dheenish ahba laba, ayaa doortay taarikada cusub ee EU-da.

Wasiirka deegaanka Connie Hedegaard ayaa xoog uga cadhootay in debedda la dhigay, dawladdana ugu hanjabtay inay xilka tirinayso.

Dhallinyaro badan baan u gudbin dugsiga sare iyo dugsiga farsamada gacanta midna.

Xisaabxidhka mishiinka intarnetka baadha ee google ayaa saddexbiloodka 2009ka muujinaysa macaashkii ugu sarreeyay. Xiisaddii dhaqaale waannu ka soo gdudubnay, ayuu yidhi agaasimaha Google Eric Schmidt.

Madaxwayne Karzai ma helin cododkii uu guulaysan lahaa madaxwaynenimada Afqaanistaan wareeggii kowaad, sidaas waxa qoray wargayska Washington Post.

Baadhitaan uu sameeyay cusbatalka Aarhus ayaa muujinaysa, in boqolkiiba 69 fursadda bogsigu sarrayso, haddii dawaynta la bilaabo 60 cisho ee ugu horreeya kansarka malawadka.

Mid ka mid ah shaqaalaha dabdamiska Aarhus ayaa la ganaaxay, kilibna lagaga dhuftay liisanka, ka dib marku shil galay, isagoo gurmad degdeg ah ku hawllan. Hadda wasiirka ayaa kiiska dib u eegaya.

Dawladda woqooyiga Kuuriya ayaa ku eedaysay koonfurta Kuuriya, inay maraakiib dagaal u soo direen biyaha koonfurta Kuuriya, oo ah dhinaca galbeed ee jasiirad dhuleedka Kuuriya.

Mid ka mid macmiisha ugu wayn Baanka Amagerbanken, oo la yidhaahdo Finansgruppen, ayaa sheegay inay baanka ka taageeraan ballaadhinta saamiyadiisa. Lacag badanna way hayaan.

Waxa Danmark soo galay qaxooti ku labanlaabmaya, intii soo gashay 2006dii. Sababtu waxa weeye xiisadaha Ciraaq iyo Afqaanistaan, badi qaxootigaasina xaq ayay u leeyihiin in sharci la siiyo.

Shilkii Sharnoobil waa laga soo gudbay: saddexdii dheenish ahba mid baa qaba, in tamarta nukliyarku ka mid noqoto noocyada tamarta aynnu samaysanaynno.

Dheenishku way joojiyeen maalgashigii inta xiisadda dhaqaale socoto. Si aan hore loo arkin ayay lacagtii ugu xidheen baananka, iyadoo dulsaarkuna xoog u hooseeyo.

Wasiirka deegaanka Connie Hedegaard (K) ayaan faraha kula sii jirayn kiiska xiisadda wayn ka dhaliyay wasaaradda ee is casilaadda agaasimihii wadaxaajoodka Thomas Beckers.

Dawladda hoose ee Kobanheegan ayaa samaysay mashruuc tijaabo ah, oo lagu tababarayo macallimiinta iyo barbaariyayaashu, si ay indhaha ugu hayaan xagjirnimada dhallinyarada.

Xisbiga dadwaynaha dheenishka ayaa ka xun siyaasadda arrimaha debedda ee dalka Shiinaha, Sidaas awgeed wuxu rabaa, in aan la ammaanaysiin taallada gabaraymaanyada sannadka danbe, oo sida qorshaysnayd lagu soo bandhigi lahaa carwada sannadka danbe ee Shanghai.

Baradhadii waxay ku qudhmaysaa beeraha, halka qiimaheediina kor u kacay. Beeralaydii baradhaduna ogaan ayay u yareeyeen baradhada suuqa soo gelaysa.

Taniyo May markii Lars Løkke la kulmay Dalai Lama, dalka Shiinuhu wuu qaboojiyay xidhiidhkii Danmark. Taas dhibaatadeedu waxay ku dhacday ganacsigii dheenishka iyo wasiiraddii booqashada u tegi lahaa.

Dadka leh fillooyinku sidii hore si ka badan ayay guryahooda uga difaacaan tuugta iyo budhcadda guryaha jabsata - qaar badan oo ka mid ahina waxay isku hubeeyaan budhadh iyo filfisha indhaha lagu buufiyo.

Filimkii Al Jazeerah ee Danmark ku saabsanaa wuxu ahaa mid ka dheellitiran sidii laga baqanayay. Waxa lagu waraystay baandooyin kala duwan, siyaasiyiin, bilays, magangelyodoon iyo doolka caadiga ah.

Wasiirka cashuuraha Kristian Jensen ayaa baadhaysa hab kuwa khiyaameeyay cashuurta, ee hanti qarsaday, ciqaabta loogu fududayn karo, hadday sheegaan waxay khiyaameeyeen.

Marka ilmo 12 jir ahi xeerka jebiyo, badi waxa keenay dhibaatooyin bulsheed, birta qoobkuna ma xallili karto, ayay qabtaa afhayeenka arrimaha bulshada ee Sooshalka Mette Fredriksen (S).

Xisbiga Sooshalku waxay qabaan, inay ahayd in siyaasiyiintu ogaadaan, in askar badan oo ciidamada ahi rabeen, in la soo saaro buugga jægerbog.

Muddo badan ayay qaadataa, inay is guursadaan dhallinyarada asalkoodu ka soo jeedo qolyaha laga tirada badan yahay. Taas waxa keenay xeerka 24 jirka, sidu muujiyay baadhitaan.

12 jirku wuxu u baahan yahay qof wayn oo uu kala xidhiidho dhibaatooyinkiisa ee u ma baahna birta qoobka, ayay yidhaahdeen sooshalka, oo naqdiyaya talo dawladdu soo jeedisay.

Aqlabiyad badan oo dheenish ah ayaa qabta, in Søren Gade sii ahaado wasiirka gaashaandhigga - inkastoo fadeexaddii buugga 'jægerbogs' weli meesha taal.

QM ayaa oggolaaday deeqdii Danmark ku yaboohday 140 askari oo ka mid noqda ciidamada nabad ilaalinta QM ee koonfurta Lubnaan (Unifil).

Xisbiyada V iyo K iyo DF ayaa ka shiraya, in sannad hoos loo celiyo da'da la isku ciqaabo. Waalli ayay ku tilmaameen afhayeennada xeerka ee xisbiyada S iyo SF.

Guddoomiyaha IOC-da Jacques Rogge ayaa xusay badmaaxa dheenishka ah Paul Elvstrøm, khudbaddii furitaanka rasmiga ah ee shirka IOC-da ee Oberaha.

Taliyaha qaybta ayaa wasiirka gaashaandhigga Søren Gade ku dhiirigeliyay, inuu weriyayaasha u sheego "tarjumadda carabida ah" ee buugga.

Maanta waxay codbixiyayaasha Irishku u dareerayaan, inay haa iyo maya mid uun yidhaahdaan heshiiskii Lissabon. Hadday haa u codeeyaan, taasi waxay soo dedejinaysaa codbixin dadwayne oo dheenishku u qaadaan waxyaabihii ay ka gaabsadeen.

Haddii codbixiyayaasha Irishku jimcaha u codeeyaan haa, heshiiska EU-da ee Lissabon, waa in wasiirka dawladda Lars Løkke Rasmussen si cad ugu dhawaaqaa codbixin dadwaynaha dheenishka looga qaado waxyaabaha dheenishku ka gaabsaday EU-da. Sidaas waxa raba Radikaalka iyo SF.

Xiddigo iyo marwooyin kowaad - sida Oprah Winfrey iyo Michelle Obama - ayaa culays wayn saaraya xubnaha IOC-du, magaalada ay u codayn doonaan.

10 ka sano ee soo socda Danmark waa la dhaafayaa xagga hodanimada dalalka Ururka Yurub (EU). Finland, Iswidhan iyo Ingiriiska ayaa dhaafaya.

Hilibka waxa loo sameeyaa leebal cusub iyo taariikh cusub - dabadeed khaanadaha tallaajadaha ayaa dib loo soo dhigaa.

Markii ugu horraysayba askar dheenish ah ayaa laga soo celiyay dagaalka Afqaanistaan, waayo sida laga soo xigtay gaashaandhigga, waxay haysteen rasaas, aan loo adeegsan karin dagaalka.

Taliyaha ciidamada ayaa laga rabaa caddayn la xidhiidha halka laga helay iyo sida loo helay tarjumadda carabida ah ee buuggii Thomas Rathsack 'Jæger - i krig med eliten'

Aqlabiyadda baarlamaanka ayaa rabta in la joojiyo, in dhakhtarradu sameeyaan xaashida caddaynta shebbednimada (jomfruer).

Bilaysku waxay ka cabsanayaan, shirka IOC-da, ee Obama ka soo qaybgelayo iyo shirwaynaha cimilada ee Kobanheegan ka dhacayaa, markay fasax galaan askartii shaqada siyaadada ah qabanaysay, inay qaybaha bilayska dalka ciidan yari ka dhacdo 2010. Taliyaha bilaysku sidaas lama qabo.

Socodsiiyaha maraykanka ah ee barnaamijyada hadalka ah, Oprah Winfrey, ayaa samaynaysa borogaraam tv oo nusasaace ah oo ka hadlaya Danmark, intay halkan u joogto shirka IOC-da.

Weriyayaasha dunida oo dhan baa xayaysiin doona Danmark, markay tebinayaan shirka IOC-da.

Kowda sebtambar dib u habayn baa lagu samaynayaa diyaar garawga ambalaasyada ee shilalaka iyo dhibaatooyinka agagaarka caasimadda.

Culays wayn ayay qabaan, ehliyadda dadka waawayn ee hawlaha guriga dhexdiisa ka caawiya waayeelka. Taasoo si wayn oo taban u saamaysa shaqada iyo noloshooda gaarka ahba. Sidaas waxa muujiyay baadhitaan uu sameeyay ururka waayeelku.

Helle Thorning-Schmidt ayaa hadda sheegtay, in xisbiga DF aanu wax saamayn ah ku yeean doonin siyaasadda, hadday noqoto wasiirka dawladda.

Baacsigii waynaa ee la daba dhigtay kuwa khiyaameeya cashuurta, ayaa guulo waawayn laga gaadhay.

Aqlabiyad siyaasadeed ayaa rabta, in kiisaskii magdhowga ee dadka loo diiday, dib loo wada furo. Dawladduna bixiso qarashka.

Koox u dhalatay woqooyiga Kuuriya ayaa safaaradda dheenishka ee Hanoi u gashay magangelyo raadin.

Labada shirkadood ee Arriva iyo DI, oo tartan kula jira DSB, ayaa qaba in dib u dhigga tartanka hawlaha tareennadu ka gudo ballaadho, sidu u qaabeeyay wasiirka gaadiidku.

Rooke xubin ka ah HA iyo laba ku cusub rookanimada ayaa lagu xukumay xabsi sagaal sano ah, is rasaasayntii McDonaldska Århus darteed. Kii rasaasta riday, oo ku markhaati furay kuwa kale, waxa la xidhay toddoba sano.

Guddoomiyaha ururka gobollada (KL) Erik Fabrin, ayaa dawladaha hoose u qoray, inay dhimaan qarashyada ku baxaya daryeelka carruurta dhibaataysan.

Agaasinka shaqada ayaa kormeeray 232 goobood oo dhisme ka socdy. Saddexdiiba laba xaaladdood ma ahayn sidii la rabay. Shaqaalaha cusub iyo ajinebigana meelo halis ah ayaa la geeyay.

Quusayaasha bilaysku waxay xalay baadheen saddex haro si ay u helaan wiilka 16 jirka ah ee la waayay Casper Sørensen, laakiin wax raad ah may helin.

Shaqaalaha dawladda hoose ee Odense ayaa wiiggii hore Sudan ka soo celiyay wiil saddex jir ah, oo uu la baxsaday aabbihii.

Dhallinyarada denbiyada galaa waxay u baahan yihiin mantar, ka caawiya samaysiga nolol cusub, markay ciqaabtooda soo dhammaystaan, sidaas waxa soo jeediyay guddida dhallinyarada.

Farshaxanka Bjørn Nørgaard ayaa ka mid ahaa dadkii ka soo qaybgalay ololihii 'xaraashka xaraash' ee loogu ururiyay lacag ka badan nus milyan kr.

Sannadkii hore 22 askari ayaa ka cowday xanuuno maskaxeed oo shaqada ku gaadhay. Sagaal sano ka hor hal askari baa cowday.

Way adag tahay in akaadimiyiinta dhawaan qalanjebiyay helaan shaqo, xilligan xiisadda dhaqaalaha.

Aqlabiyadda baarlamanku waxay rabaan, in loo beddelo qayb ka mid ah qarashyadii diiwaangelinta cashuuraha cagaaran ee socdaalka. Waxa loo samayn karaa qaab fudud oo jaban, ayay yidhaahdeen mufakiriintu.

Qaybinta shaqadu waxay baajisay dad badan oo shaqada laga eryi lahaa. Lixdiiba hal ayay saamaysay shaqo qaybintu, oo shaqadiisii waayay.

Dheenishku aad ayay u jecel yihiin dukaamada alaabta jaban. Dakhli badan ayaana ay soo xareeyeen dukaamada alaabta jaban iibiyaa.

In gaadiidka xamuulka laga mamnuuco jidadka waawayn ma keenayso nabadgelyo, laakiin baabuurta yaryar ayaa nefisaya, sidaas waxa qiimeeyay guurtidaa baabuurta waawayn.

Kulan furan oo wada tashi, lana xidhiidhay ciraaqiyiintii magangelyada loo diiday, ayaa xaraaraddiisu kacsadnayd. Waxa eedaymo isku waydaarsaday sooshal dimuqraadiga iyo Birthe Rønn Hornbech.

Nin reer Odense ah ayaa middi yar oo laga helay gaadhigiisa sheegay, inuu kaarbet ku jarjarayay. Xeerilaalintu waxay codsatay, in lagu xidho.

Dheenishku waxay kaydsadeen hanti hawlgabeed le'eg kaydka sanduuqa saliidda noorshka, oo maanta ay ku jirto in ka badan 2500 bilyan oo koron oo noorsh ah.

Isticmaalka antibiyootigga ee cusbataaladeenna ayaa kor u kacay boqolkiiba 321 tobankii sano ee ugu danbeeyay. Taasi waxay ka dhigan tahay, in bakteeriyooyin badani hadda qabatimeen dawooyinkii ka hor tegi lahaa.

Budhcad badeedda waa la joojin karaa, haddii QM wax ka qabtaan xadidda kalluunka xeebaha soomaalida. Laakiin dalalka xubnuhu iskuma waafaqsana, in maraakiibta dagaalku wax ka qabtaan arrintaas.

Haddii wasiirka cimilada iyo tamarta Connie Hedegaard loo magacaabo Komishinarka cimilada ee EU-da, dawladda waxa soo foodsaaraya cidhiidhi xagga waqtiga ah, qabanqaabada shirwaynihii cimilada ee diisanbar.

Guddoomiyaha xisbiga Sooshal dimuqraadiga Helle Thorning-Schmidt ayaa weerar foronta hore ah ku qaadday xisbiga DF, khudbaddeedii shirwaynaha "Dansk Metal" ee Aalborg.

Dawladaha hoose iyo shaqaalahooda ayaa sariiro dheeraad ah iyo daryeel u raadinayay dadka waalan, arrintaasna waxa hadda taageeray ururka bilayska.

Sannadkan dadka xaday dukaamadu waxay boqolkiiba 17 ka badan yihiin sannadkii hore, sidaas waxa muujiyay tirooyinka bilayska loo gudbiyay.

Haddaad deggan tahay Lolland, fursadda ilmahaagu ku xidhan karo koofiyadda imtixaanku way ka yar tahay haddaad tusaale ahaan deggan tahay Sorø.

Caroline Wozniacki waxay u dagaallantay si geesinimo leh, laakiin gebagebadii ayay laba set ka badisay Kim Clijsters, waanay ku faraxsan tahay kaalinta ay timi.

Wasiirka caddaaladda Brian Mikkelsen ayaa qiray, in aanay waxba tarin sidii adkayd ee loo la dagaallamayay baandooyinka gangistarrada mootalayda ah iyo kuwa ajinebiga.

Xubnaha ururka Kirkeasyl ayuu bilaysku ka waraystay lacagtii ay u ururiyeen magangelyodoonkii sharciga loo diiday.

Caymisyada caafimaadka ee gaarka ahi waxba may yeelin fursadihii dawaynta ee dadka aan caymiskaa lahayn, sidaas waxa muujiyay baadhitaan la sameeyay.

Waxa looga bartay ganaaxa baabuurta meesha qaladka ah la dhigo, haseyeeshee shaqaalaha baarkinku, waxay kaalin wayn ka ciyaari doontaa ka hortagga rebshadaha, xatooyada iyo xiisadaha kale.

Inkastoo shirkado la xidhayo, shaqaale badan la dhimayo, lagana cabsi qabo shaqola'aan, hadana ururada shaqaaluhu waxay dalbanayaan mushahar kordhin rasmi ah wadahadalka gu'ga.

Shirkadda dheenishka ee ISS ayaa ayaa xoog loogu eedeeyay, inay dhiigmiirtaan shaqaalaha aan sharciga lahayn Iglan.

Bilayska dheenishka ayaa qarka u saaran, in shaqada lagaga eryo waxyaabo ay ku qoreen Facebook-ga ama meelo kaloo intarnetka ah.

Wasiirka qalabixinta Birthe Rønn Hornbech waxay dooratay, in Danmark sannadkan soo qaadato barmiis halkay ciraaqiyiin ka soo qaadan lahayd kootada qaxootiga. Way ka qalabixi og yihiin, ayay qabtaa.

Dawladdu 450 milyan oo koron ayay ka saaraysaa khasnadda fasaxa, oo ay u isticmaalaysaa dhismaha 5000 oo goobood oo dhallinyarada lagu tababaro.

Afar saacadood waa in wax loogu qabtaa qofka bukaan degdeg ahi ku yimaaddo, sidaas waxa qaba ururka dhakhtarrada, siyaasiyiintuna way taageereen.

Wax dhoofinta dheenishka oo dhibaatooyin wayn kala kulmaya hoos u dhaca awoodda tartanka.

Hayadda sare ee qaxootiga, UNHCR, ayaa rumaysan, in qasab ku celinta magangelyo doonka ciraaqiyiinta Danmark iyo Iswidhan, jebinayo xeerkii qaxootiga.

Ardayda jaamacadaha gelayaa way da' yar yihiin. Saddexdiiba laba ka mid ah da'doodu way ka hoosaysaa 21 jir, markay jaamacadda bilaabaan.

Darawallada tareenka ayaa hadda raba, in isgoysyada khatarta ah ee iska furan la xidho ama loo sameeyo nalka taraafiga.

Dhawr kun oo carruur iyo dhallinyaro dheensih ah ayaa sannad walba cusbataallada loo keenaa safayn iyo sumow, ka dib markay xaddi badan oo khamri ama doroogo ah qaateen.

Waxa jira waxyaabo caddaynaya, in dadka caafimaadka qabaana dayrta u dhiman karaan cudurka faafa ee durayga A.

Dhakhtarro la'aanta cusbataaladu waa sheekabaralay. Tan iyo 2001 boqolkiiba 27 ayay korodheen tirada dhakhtarradu, sidaas waxa muujiyay qoraal ka soo baxay wasaaradda caafimaadka.

650.000 dawladda ugu shaqeeya sosu, barayaal iyo kalkaaliyayaal caafimaad ayaa laga yaabaa, in boqolkiiba 1 mushaharka laga dhimo sannadka soo socda.

Wadaadka Per Ramsdal ayaa si sharcidarro ah u caawinaya qaxootiga ciraaqiyiinta ee ka baxsanaya bilayska. Sidaas awgee wuxu halis ugu jiraa, in la xidho. Xisbiga dadwaynaha dheenishku waxay rabaan, in shaqada laga eryo wadaadka.

Xiisadda dhaqaale ka hor dad badan oo dool iyo waayeel ah ah ayay u fududayd, inay shaqo helaan. Haseyeeshee hadda waxay taasi u eg tahay mid aan sii soconayn.

Ciraaqiyiintii magangelyada loo diiday oo dhulka hoostiisa ku dhuumanaya, si aan qasab loogu celin, sida 22kii shalay la mustaafuriyay.

16 ciraaqiyiintii la celiyay ah ayaa ka bixi kari la' madaarka Baqwdaad, sidaas waxa DR Nyheder u sheegay mid kuwa la celiyay ah. Shan ka mid ahna la xidhay, ayuu yidhi.

Masaajid wayn ayaa lagu wadaa, inuu laba sano ku dhammaado, kaasoo laga dhisayo barta loo yaqaan dhulka masaajidka, ee xaafadda Amager ka soo horjeedka jaamacadda Kobanheegan.

Wardoonka ciidamada ayaa maanta gelinka danbe faafinaya qiimayntooda la xidhiidha halisaha Danmark horyaal. Dr Nyheder ayaa soo halacsaday warbixinta, oo ka hadlaya halista budhcad bedeedda.

22kii ciraaqi ee ay xalay bilaysku tarxiileen waxa laga dhoofiyay madaarka Odense. Guddoomiyaha madaarka Odense ayaa sidaas u sheegay Dr Nyheder. Tarxiilkoodiina wax dhibaato ahi kama dhicin.

Jonathan Richter, oo danab ku dhacay isagoo tababar ku jira, ayaa soo roonaaday, ka dib markii lugtiisa bidix laga gooyay jilibka hoostiisa.

Badi kalkaaliyayaasha caafimaadka oo magaca danbe ee baajkooda qariya, si aan loo xasaradayn. Waayo waxa si fudud looga helayaa meelo uu ka mid yahay facebook.

Badi 81 ka carruur ah ee lala baxsaday waxa la geeyay dalal aanu heshiiska soo celintu ka dhaxayn Danmark, sida Lubnaan, Suuriya iyo Soomaaliya.

Shaqo ka fadhiisinta badan ee xiisadda dhaqaaluhu keentay ayaa u muuqata dhibaato wayn. Dadkii aan wax qori karin ayay xoog u saamaysay.

Waxa dawladaha hoose ku waajib ahaa, inay sandulleeyaan dumarka uurka leh ee alkahooligga ah, hadday dareemaan inay sagsaagayaan daawaynta loo siianayo si xun u isticmaalka alkahoosha.

Way soo gudhayaan silsiladihii baananka Danmark. Baanka Nordea ayaa liqaya Baanka Fionia.

Taliyaha ciidamada Maraykanka ee Afqanistan ayaa beddelaya istiraatijaddii. Askartu waa inay ka baxaan gawaadhida gaashaaman oo ku dhawaadaan dadwaynaha Afqanistan. Tallaabadani waa halis, laakiin waa lama huraan, ayuu yidh khabiir dheenish ah.

Waxay wataan baabuur kala modello ah. Dakhligooduna wuu kala duwan yahay. Waxayse labaduba khiyaameeyaan cashuurta. Ololaha cusubi wuxu soo xareeyay malaayiin cashuur lala baxsaday ah.

Aqlabiyad xooggan oo wakiillada dadwaynaha ah ayaa u codeeyay, in xaafadda woqooyi galbeed ee Kobanheegan laga dhiso Masaajid wayn, oo minaarado buluug ah leh.

Naser Khader sumcaddiisu way ku dhex liidataa dadka doorta Konserfatiflka. Sidaas waxa muujiyay rayi baadhis ay Megafon u samaysay TV 2 iyo Politiken.

Ilmaha mataanka ah, ee yaraantii miisaanka yar, naaskana aan muddo dheer jiqin, isla markana aan hurdo fiican seexani, wuxu halis ugu jiraa, inuu marka danbe miisaan badani koro

Tobankii guddoomiyayaasha lookalka ah ee xisbiga konserfatifkaba afar baa diiddan, in la mamnuuco indhashareerka, sidaas waxa muujiyay waraysiyo uu qaaday wargayska Berlingske Tidende.

GPS-ku kuma habboona keli ah, inuu jidka ku tuso. Waxay waalidku si wayn ugu adeegsadaan, inay kula socdaan carruurtooda.

Guddoomiyaha gobollada ayay la tahay, inay si fiican isula jaanqaadaan dawaynaha dadka waayeelka ahi, masuuliyadduna meel qudh ah ahaato.

Qoys qudh ah ayaa xoog u dhibay dadwayne deggan xaafad ku taal Helsingør. Muddo dheer ayay qaadanaysaa, in reerka guriga laga saaro, sidaas awgeed dadkii baa xaafadda uga qaxayaan.

In ka badan kala badh dadwaynaha ah ayaa qaba, in intarnatku hagaajiyay adeegyadii xafiisyafda dawladda. Waxase weli jira dad badan aan ku wanaagsanayn isticmaalka kombuyuutarka.

In ka badan 60.000 oo bukaanka kolostarolka ah ayaan helin dawooyinka wanaagsan, taasoo ka dhigan inay halis ugu jiraan xinjiro dhiig ah oo wadnaha iyo maskaxda fadhiista.

Xukuumaddu waxay maalgelinta dawladda ku kordhinaysaa 10 bilyan oo koron sannadka 2010. Balaayiinkaas badani waxay dhimayaan xiisadda dhaqaalaha.

Dheenishu waxay jaraan biirka daasadaha. Quraaradihii waxay rasaysan yihiin khaanadaha. Daasadaha ayaa ka yar, kana fudud oo lagu daatay.

Michael Jackson waxa jidhkiisa ku jiray xaddi badan oo dawada dilaaga wax suuxisa ah ee propofol, markuu dhintay.

2000 oo ciidanka dab damiska giriigga ah ayaa caawimo yar ka helaya dabaysha iyo dayuuradaha Faransiiska, Talyaaniga iyo Qubrus.

Wasiirka caddaaladda Brian Mikkelsen ayaa ku dhaleeceeyay dawladda hoose ee Kobanheegan, inay guuldarraysteen, ka dib markay habeenkii sabtida isku dhaceen bilayska iyo koox dhallinyaro ahi.

Waa in la dheereeyo muddada ay Afghanistan joogayaan ciidamada loo diray. Marka lixdii biloodba la soo beddelo waxa lumaysa khibraddii iyo waayoaragnimadii, waxa sidaas yidhi sarkaal sare oo dalka ku soo laabtay.

Afar keli ah 20ka shirkadood ee dheenishka ugu waawayn, ayaa shaqaalahooda muslinka ah siiyay mawlac ay ku cibaadaystaan shaqada.

Dhallinyarada, hurdada macaansata, waa in lagu toosiyo sms, lana xusuusiyo, inay shaqo tagaan. "Waa fikrad wacan", ayuu qabaa wasiirka waxbarashadu.

Bilaysku weli raad ma hayaan kiiska askarigii, xalay lagu toogtay Kobanheegan. Muusishanka caanka ah ee raabka ciyaara Niarn ayaa isagu badbaaday.

Sida laga soo xigtay magangelyo doonka la diiday, waxay wefdigii ciraaqiyiintu ugu hanjebeen in la xidhi doono, markay ku soo laabtaan Ciraaq.

Dawladdu waxay deeqda shisheeyaha ku si wadi doontaa heerka imminka. Sidaas awgeed waxay isku dhici doonaan xisbiga DF

Guddoomiyaha guddida suuqa shaqadu Jørgen Søndergaard si fiican buu u fahansan yahay warka ka soo baxay dawladda, hasaeyeeshee wuxuu rajaynayaa, in warbixinta mar danbe laga soo saari doono khaanadda.

Dad badan oo Kobanheegan deggan ayaa cabba khamri badan. Sidaas awgeed waa in dib loo eego tirada liisamada alkahoosha, waxa sidaas qaba guddida ka hortegista.

Ma rabtaa inaad sheegto, wuxu xaday saaxiibkaa. Shirkado badan oo dheenish ah ayaa isku dayaya, in shaqaaluhu iska warramaan.

Ololihii "Aan giddi ka horjeesanno bahdilaadda" ayaa horseedday in bahdilaaddu hoos u dhac dugsiyada hoose/dhexe. Waxa sidaas muujiyay qiimayn ay sameeyeen waalidka iyo dugsiyadu.

Inkastoo soojeedinta konserfatifka ee in la mamnuuco indhashareerku is afgaranwaa ka dhex abuurtay dawladda, haddana ra'yigaasi wuxuu taageero aqlabiyad ah ka helay codbixiyayaasha, sida ra'yi ururini muujisay.

Hoggaamiyaha Konserfatifka Lene Espersen oo dardargelinaysa qalabixinta: Hadda waa in qaxootiga iyo kuwa kaleba ku dhexgalaan bulshada dheenishka sannad. Culaysna la saaro dimuqraadiyadda, sinnaanta, waxbarashada iyo caafimaadka

Tirada carruurta miisaankoodu wayn yahay ayaa xoog u kordhaysa, taasina waxay walaac ku abuurtay khubarada ku shaqo leh, waayo badi carruurta miisaanka wayn weligood kama go'o hilibku.

Dheenishku kuma riyoodaan, inay cadceedda isu dhigaan noloshooda oo dhan. Badi waxay jecel yihiin shaqada, xataa hadday dhaqaale ahaan ka madax bannaan yihiin, sidaas waxa muujiyay baadhitaan la sameeyay.

Jooji qarashka diiwaangelinta, baabuurlayduna ha bixiyaan qarashka CO2 sannadkii. Taasi waxay hoos u ridaysaa CO2-ga, dhaqsana baabuur cusub baa loogu daadanayaa.